10వ ఫలితాల్లో సాల్వీడ్ విద్యార్థుల అద్భుత ప్రతిభ

(కుల్కచర్ల) తెలంగాణ రాష్ట్ర వ్యాప్తంగా బుధవారం విడుదలైన 10వ తరగతి పరీక్షల ఫలితాల్లో కుల్కచర్ల మండల పరిధిలోని సాల్వీడ్ జిల్లా పరిషత్ ఉన్నత పాఠశాల విద్యార్థులు అద్భుత ప్రతిభ కనబరిచి 100% ఉత్తీర్ణత సాధించారు. మొత్తం 21 మంది విద్యార్థులు పరీక్షలకు హాజరుకాగా, అందరూ ఉత్తీర్ణులై శతశాతం ఫలితాన్ని నమోదు చేసినట్లు ప్రధానోపాధ్యాయులు కే.రాంచందర్ తెలిపారు. ఈ ఫలితాల్లో బంటారం వర్షిత 533/600 మార్కులతో ప్రథమ స్థానం, యం.ఐశ్వర్య 529/600 మార్కులతో ద్వితీయ స్థానం సాధించి పాఠశాలకు కీర్తి తీసుకువచ్చారు. అద్భుత ఫలితాలు సాధించిన విద్యార్థులను పాఠశాల ప్రధానోపాధ్యాయులు, ఉపాధ్యాయులు, గ్రామస్తులు అభినందించారు.