పాంబండ శ్రీ రామలింగేశ్వర స్వామిని దర్శించుకున్న పౌర సరఫరాల డైరెక్టర్ శ్యాంప్రసాద్ లాల్

• (ప్రజాగళం, కుల్కచర్ల)

  వికారాబాద్ జిల్లా కుల్కచర్ల మండల పరిధిలోని బండవెల్కిచర్ల గ్రామ శివారులో కొలువైన ప్రసిద్ద పుణ్యక్షేత్రం శ్రీ పాంబండ రామలింగేశ్వర స్వామి దేవాలయాన్ని తెలంగాణ రాష్ట్ర పౌర సరఫరాల డైరెక్టర్ శ్యాంప్రసాద్ లాల్ సందర్శించి ప్రత్యేక పూజలు నిర్వహించారు. ఆలయ అర్చకులు వేద మంత్రోచ్ఛారణల మధ్య స్వామివారి తీర్థప్రసాదాలు అందించి ఆశీర్వదించారు. ఈ సందర్భంగా శ్యాంప్రసాద్ లాల్ స్వామివారిని దర్శించుకుని రైతులకు మంచి పంటలు పండాలని ప్రార్థించినట్లు తెలిపారు. ఆలయ విశిష్టత గురించి అర్చకులను అడిగి తెలుసుకున్నారు.ఆయన వెంట డీఎస్‌వో ఎస్.సుదర్శన్,డిఎం మోహనకృష్ణ, రైస్ మిల్లర్స్ అసోసియేషన్ జిల్లా ప్రధాన కార్యదర్శి బొలుసని.శ్రీధర్ రెడ్డి, రైస్ మిల్ అసోసియేషన్ నాయకులు బాలకృష్ణారెడ్డి, విజేందర్ రెడ్డి, శ్రీనివాస్ రెడ్డి, ఆలయ మాజీ చైర్మన్ కోట్ల మహిపాల్ రెడ్డి, ఆలయ అర్చకులు పాండుశర్మ తదితరులు ఉన్నారు.