వాటర్ స్పోర్ట్స్ అకాడమీలో ప్రవేశానికి దరఖాస్తులు చేసుకోవాలి

వాటర్ స్పోర్ట్స్ అకాడమీలో ప్రవేశానికి దరఖాస్తులు చేసుకోవాలి

9 నుంచి 11 ఏండ్లలోపు గిరిజన విద్యార్థులు అర్హులు

• ఇంచార్జీ రాజేందర్ నాయక్

కుల్కచర్ల: బోయిన్ పల్లిలోని వాటర్ స్పోర్ట్స్ అకాడమీలో 2026–27 విద్యా సంవత్సరానికి గిరిజన బాలబాలికల ప్రవేశాల కోసం దరఖాస్తులను ఈనెల 23తేదీ లోగా కుల్కచర్ల మండల కేంద్రంలోని గిరిజన సంక్షేమ ఆశ్రమ బాలుర పాఠశాలలో చేసుకోవాలని ఇంచార్జీ రాజేందర్ నాయక్ ఒక ప్రకటనలో తెలిపారు. 5వ తరగతిలో ఇంగ్లీష్ మీడియంలో 10 మంది బాలికలు, 10 మంది బాలురకు ప్రతిభ ఆధారంగా ప్రవేశాలు కల్పించనున్నట్లు చెప్పారు. ఆసక్తి ఉన్న 9 నుంచి 11 సంవత్సరాల వయస్సు కలిగి నాల్గవ తరగతి ఉత్తీర్ణులైన బాల బాలికలు స్టడీ సర్టిఫికెట్లు, కుల ధ్రువీకరణ పత్రాలతో దరఖాస్తు చేసుకోవాలని సూచించారు. అదే విధంగా 6వ తరగతి బ్యాక్ లాగ్ గిరిజన బాలురు 1, గిరిజన బాలికలు 2,చెంచు 2 సీట్లు,7వ తరగతిలో బిసి బాలుర 1,8వ తరగతిలో గిరిజన బాలురు 2 సీట్లు ఖాళీల భర్తీ చేసేందుకు దరఖాస్తులు చేయాలని తెలిపారు.మరిన్ని వివరాలకు 9959293604 నెంబరులో సంప్రదించాలన్నారు.